आइसिसी च्याम्पियन्स बंगलादेशसँग पराजित हुँदै न्युजिल्याण्ड पहिलो चरणबाटै बाहिरियो

0 24

1e847cd7d722564b7f25038ef71f2daf1496281597

एजेन्सी,जेठ २७ (न्युजिल्याण्ड आइसिसी च्याम्पियन्स ट्रफी क्रिकेट प्रतियोगिताको पहिलो चरणबाटै बाहिरिएको छ । शुक्रबार राति भएको खेलमा बंगलादेशसँग ५ विकेटले पराजित भएसँगै न्युजिल्याण्ड पहिलो चरणबाटै बाहिरिएको हो । न्युजिल्याण्डले दिएको २ सय ६६ रनको लक्ष्य बंगलादेशले १६ बल बाँकी छँदै ५ विकेट गुमाएर पूरा गर्‍यो ।

३३ रन बनाउन ४ विकेट गुमाएको बंगलादेशलाई सकिब अल हसन र मेहमुदुल्लाहको शतकीय पारी खेल्दै जिताए । सकिबले १ सय १४ रन बनाए भने मेहमदुल्लाह १ सय २ रनमा नटआउट रहे । उनीहरुले पाँचौ विकेटका लागि २ सय २४ रनको साझेदारी गरे ।

न्युजिल्याण्डका टिम साउथीले ३ विकेट लिए । यसअघि टस जितेर पहिलो ब्याटिङ गरेको न्युजिल्यान्डका लागि कप्तान केन विलियम्सन ५७ र रोस टेलरको ६३ रनको सहयोगले ८ विकेटको क्षतिा २ सय ६५ रन बनाएको थियो। प्रत्युत्तरमा बंगलादेशले ४७ दशमलव २ ओभरमा ५ विकेट गुमाउदै विजयी लक्ष्य प्राप्त गर्यो।

तपछि बंगलादेशले सेमिफाइनल यात्रालाई जिवित राखेको छ। समूह ए मा इङ्ल्यान्ड अघिल्लो २ खेल जितेर यसअघि नै सेमिफाइनल प्रवेश गरिसकेको छ। यस अवस्थामा बंगलादेशलाई भोली इङ्ल्यान्ड र अस्ट्रेलियाबीच हुने समूह चरणको अन्तिम खेलको नतिजा महत्वपूर्ण रहनेछ। यो खेलमा इङ्ल्यान्ड विजयी वा खेल बराबरीमा रोकिएको खण्डमा बंगलादेश सेमिफाइनल प्रवेश गर्नेछ। तर,अस्ट्रेलिया विजयी भएको खण्डमा बंगलादेश प्रतियोगिताबाट बाहिरिने छ।