मार्सल आर्टका अन्तर्राष्ट्रिय अध्यक्षले प्रधानमन्त्रीलाई भेटे

0 4

timthumb

काठमाडौँ, ८ मङ्सिर । अन्तर्राष्ट्रिय मार्सल आर्टका अध्यक्ष लिइडाइ ह्युनसहितको मार्सल आर्टका कोरियाली टोलीले प्रधानमन्त्री पुष्पकमल दाहालसँग भेट गरेको छ ।

आज बिहान प्रधानमन्त्री निवास बालुवाटारमा भएको भेटमा प्रधानमन्त्री दाहालले नेपालप्रति टोलीले देखाएको सद्भावका लागि धन्यवाद व्यक्त गर्दै मार्सल आर्टको विकासका लागि मिलेर काम गर्ने प्रतिबद्धता जनाउनुभयो ।

अध्यक्ष ह्युनले नेपालमा मार्सल आर्टको विकासका लागि काम गर्न आफूहरु इच्छुक रहेको बताउनुभयो । त्यस्तै उहाँले खेल्नका लागि आवश्यक खेल स्थललगायत पूर्वाधार निर्माणका लागि सहयोग गर्ने प्रतिबद्धता जनाएको प्रधानमन्त्रीको निजी सचिवालयले जनाएको छ ।

जापान, दक्षिण कोरियालगायत देशमा लोकप्रिय खेल मार्सल आर्ट पछिल्लो समयमा नेपालमा पनि लोकप्रिय भइरहेको छ । नेपालले दक्षिण एसिया क्षेत्रमा मार्सल आर्टमा अन्य खेलको तुलनामा धेरै सफलता प्राप्त गरेको छ । मार्सल आर्टअन्तर्गत कराँते, तेक्वान्दो, जुडो आदि खेल पर्छन् । रासस

You might also like More from author