अनुमतिविना फार्मेसी संचालन

0 2

download-2

विराटनगर, ६ मङ्सिर । संयुक्त अनुगमन टोलीले मोरङमा तीन दर्जन औषधि पसलसहित विभिन्न चिकित्सकको क्लिनिकमा तालाबन्दी गरेको छ ।

स्वास्थ्य मन्त्रालयद्वारा गठित संयुक्त अनुगमन टोलीले बिना इजाजतपत्रका औषधि पसल, चिकित्सकको क्लिनिक, पोलिक्लिनिक, डाइगोनेस्टिक सेन्टर र नर्सिङहोममा तालाबन्दी गरिएको जिल्ला जनस्वास्थ्य कार्यालय, मोरङका प्रमुख चन्द्रदेव मेहताले जानकारी गराउनुभएको छ ।

यही मङ्सिर १ देखि ५ गतेसम्ममा विराटनगर, रङ्गेली, टङ्कीसिनुवारी, उर्लाबारीसमेत गरी ८५ वटा पसलमा अनुगमन गर्दा बिना इजाजतपत्र र नवीकरण नभएका त्यस्ता औषधि पसल र क्लिनिकमा तालाबन्दी गरिएको उहाँले जानकारी गराउनुभयो ।

जिल्ला जनस्वास्थ्य कार्यालय, मोरङका अधिकृत शिवनारायण यादवको संयोजकत्वमा सञ्चालित सो टोलीमा जिल्ला प्रशासन कार्यालयका प्रतिनिधि, औषधि व्यवस्था विभाग कार्यालय, विराटनगरका प्रमुख र प्रहरीको समेत सहभागिता रहेको थियो । रासस

You might also like More from author