दशैंको पाँचौ दिन स्कन्दमाता भगवतीको आज पूजा अर्चना हुदै

0 20

skandmata-5

काठमाडौं ,१९ असोज। दशैंको पाँचौ दिन स्कन्दमाता भगवतीको आज पूजा अर्चना हुदै छ ।
स्कन्दकुमार कार्तिकेयको बालस्वरुपलाई सदैव काखमा राखी मायाँ ममतामयी स्नेह प्रदान गर्ने हुनाले नवरात्रीको पाँचौ दिन यिनलाई स्कन्दमाताको नामबाट पुजा गर्ने गरिन्छ ।

भगवतीका चार हात मध्ये दायाँतर्फको माथिल्लो हातले स्कन्दकुमार कार्तिकेयलाई काखमा च्याप्दै बायाँतर्फको तल्लो हातमा कमलको फूल र माथिल्लो हातले बरमुद्रा धारण गर्ने यिनी पद्मासन सहित सिंहमा सवार रहन्छिन ।

सूर्य मण्डलकी अधिष्ठात्री देवी हुनाले यिनको वर्ण पनि सूर्यकै जस्तै देदिप्यमान हुन्छ ।

देशभर प्रतिष्थापित अष्टमातृकाका विभिन्न शक्तिपीठमा हिन्दु धर्माबलम्बीहरुले आज श्रद्धाभक्तिपूर्वक नवदुर्गा भगवानीको दर्शन गरी पूजाअर्चना गर्ने चलन रहीआयको छ।