‘गठबन्धन टुट्नुमा एमालेकै पनि कारण’

0 1

काठमाडौं,साउन ३२ । एमालेको जारी स्थायी समिति बैठकमा माओवादी केन्द्रसँगको गठबन्धन टुट्नुमा आफ्नै पार्टीको समेत कारण जोडिएको भन्दै नेताहरूले नेतृत्वमाथि प्रश्न उठाएका छन्। स्थायी समितिको दुई दिनदेखि जारी बैठकमा बोल्दै नेताहरूले गठबन्धन जोगाउने पर्याप्त पहल नभएको भन्दै आलोचना गरेका हुन्। कान्तिपुर दैनिकमा समाचार छ।

सोमबार बोल्ने अधिकांश माधव नेपाल पक्षधर नेताहरूले अन्य शक्तिहरू गठबन्धन भत्काउन सक्रिय रहेका बेला आफ्नो तर्फबाट जोगाउने पर्याप्त पहल गर्न पार्टी चुकेको धारणा राखे। वरिष्ठ नेता नेपाल, उपाध्यक्षहरू युवराज ज्ञवाली, भीम रावल, अष्टलक्ष्मी शाक्य, सचिव प्रदीप ज्ञवाली, स्थायी समिति सदस्य सुरेन्द्र पाण्डेलगायत सोमबार बोलेका थिए। प्रधानमन्त्री प्राप्त गर्ने अवस्थामा माओवादी केन्द्रका अध्यक्ष पुष्पकमल दाहालले जे निर्णय गर्न सक्ने भए पनि आफ्नो तर्फबाट जोगाउने पहल गर्नु नै बढी बुद्धमानी हुने धारणा उनीहरूको थियो।

‘गठबन्धन टुट्नुमा अन्य शक्तिहरूको भूमिका छ तर यसलाई बुझेर जोगाउन ध्यान दिनुपर्ने थियो,’ नेता नेपालले भने। नयाँ गठबन्धनले संविधान कार्यान्वयन गर्न नसक्ने र मुलुकलाई खतरामा लैजाने सम्भावना रहेको उनको भनाइ थियो।

नयाँ गठबन्धनले निर्वाचन नचाहेको उल्लेख गर्दै त्यसमा विशेष सजग भएर लाग्नुपर्ने धारणा पनि नेताहरूले राखेका थिए। पार्टी संस्थागत ढंगले चल्ने परिपाटीमा समस्या आएको भन्दै नेताहरूले नेतृत्वको ध्यानाकर्षण गराएका थिए

You might also like More from author