बार्सिलोनाले सुपर कपको पहिलो लेगमा सेभिल्लालाई हरायो

0 11

एजेन्सी,साउन ३१ । सेभिल्लालाई हराउँदै बार्सिलोनाले स्पेनिस सुपर कपको पहिलो लेगमा अग्रता लिएको छ । आइतबार राति भएको लिगको पहिलो लेगमा बार्सिलोनाले सेभिल्लालाई २–० ले हराउँदै बार्सिलोनाले अग्रता लिएको हो । बर्साको जितमा लुइस स्वारेज र मुनिर एल हाड्डाडीले एक एक गोल गरे । पहिलो हाफमा गोलरहित बराबरी भएको खेलमा ५४ औं मिनेटमा स्वारेजले गोल गर्दै बार्सिलोनालाई सुरुवाति अग्रता दिलाए । स्वारेजले त्यसअघि दुई पटक गोल गर्ने प्रयास गरेका थिए तर सफल हुन सकेनन् । ८१ औं मिनेटमा हाड्डाडीले गोल गर्दै बार्सिलोनाको २–० को जित सुनिश्चित गरे । दोस्रो लेग आउँदो बुधबार बार्सिलोनाको मैदान नाउ क्याम्पमा हुनेछ । स्पेनिस ला लिगाको नयाँ सिजन आउँदो शुक्रबारदेखि सुरु हुनेछ ।