एक सिटेलाई मन्त्री बन्न हम्मे, चर्को बार्गेनिङ जारी

0 8

काठमाडौं,साउन २८ । नेकपा(माओवादी केन्द्र)का अध्यक्ष प्रचण्डको नेतृत्वका रहेको वर्तमान सरकारमा मन्त्री खानका लागि एक सिटे दलका नेताले मुख मिठएका छन् । काँग्रेस र माओवादी मात्रै हुँदा नै लगभग बहुमत पुगेको अवस्थामा एक सिटेहरुलाई धेरै भाउ दिन नहुने मत जवरजस्त आएका कारण पनि उनीहरु यतिखेर जसरी भएपनि मन्त्री बन्नै पर्ने घुर्की देखाउन थालेका छन् । त्यसमा एकनाथ ढकालको पार्टी नेपार परिवार दल, नेपाली जनता दलका हरिचरण साह, प्रेमबहादुर सिंह, जनजागरण पार्टीलगायतले मन्त्री मागेका छन् ।

Eknath-Dhakal

यस्तै रुक्मिणी चौधरी, एशोदाकुमारी लामा, गोपाल दहितलाई पनि मन्त्री चाहिएको छ । उनीहरुले काँग्रेस नेता शेरबहादुर देउवा र प्रधानमन्त्री प्रचण्डलाई भेटेर आफूहरुलाई जसरी भएपनि मन्त्री बनाउन दबाव दिएका छन् आजको जनआह्वान साप्ताहिकमा खबर छ ।

मन्त्रालयको संख्या घटाउने कुरा छ । त्यसो हुँदा कुल मन्त्रालयको संख्या २८ हुनेछ । २८ जनालाई मात्रै मन्त्री बनाउन सकिन्छ तर माग हेर्दा एक सय वटा मन्त्रालय भएपनि नपुग्ने अवस्था सिर्जना हुने भएको छ । काँग्रेसभित्रै मन्त्री बन्न चाहनेको भीड छ, माओवादीमा पनि मन्त्री बन्न चाहनेको संख्या बढी रहेको छ । यस्तै राप्रपाले दुई मन्त्रालय पाएको छ भने नेकपा(संयुक्त)ले एक मन्त्रालय पाएको छ ।