गुन्डानाइके दीपक मनाङ्गे पक्राउ

0 9

काठमाडौं,असार १७ । गुन्डानाइके दीपक मनाङ्गेलाई प्रहरीले ठमेलबाट पक्राउ गरेको छ । प्रहरीले संगठित गुन्डागर्दीको आरोपमा मनाङ्गेलाई बिहीबार राति ठमेलको एक रेष्टुराँबाट पक्राउ गरेको हो ।

काठमाडौं प्रहरी परिसरका एसएसपी विक्रम सिंह थापाका अनुसार मनाङ्गेसँगै उनका केही सहयोगीहरु पनि पक्राउ परेका छन् । मनाङ्गेमाथि धेरै उजुरी परेको र विशेषगरि धम्क्याएर पैसा असुल्ने गरेको प्रमाण पाइएपछि उनलाई पक्राउ गरिएको हो ।

प्रहरीले मनाङ्गेले आफू भूमिगत रुपमा बसेर युवा परिचालन गरी अवैध धन्दा गर्दै आएको बताएको छ ।
प्रहरीले उनीमाथि संगठित अपराधको मुद्दा सहित जर्वजस्ती पैसा असुली, ज्यान मार्ने धम्की लगायत मुद्दा लगाउने तयारी गरेको छ ।