बिदेशीले भनेपछि सरकार ‘गोपी कृष्ण…’

June 15 2016 06:20

 Singha-Darbar-300x225

काठमाडौं,असार १ । सरकारले आफ्नै जनता पनि चिन्न छाडेको पाइएको छ। मालिकले सुगालाई आदेश दिएपछि ‘गोपी कृष्ण…’ भनेकै शैलीमा दाताहरुले आदेशपछि सरकार धमाधम भूकम्पपीडितलाई नक्कली पगरी गुथाएर पीडामाथि झन् पीडा दिन उद्यत देखिएको छ। नेपाल समाचार पत्र दैनिकमा समाचार छ।
प्रसंग दोलखा जिल्लाका भूकम्पपीडितको हो। भूकम्पपीडित कार्ड वितरण गर्ने र आफैले कार्ड वितरण गरेको व्यक्तिलाई नक्कली भूकम्पपीडितको आरोप लगाउने सरकारी रवैयाप्रति अहिले स्थानीय पीडितहरु आक्रोशित समेत भएका छन्।

आफै कार्ड वितरण गर्ने, आफै नक्कली भूकम्पपीडितको आरोल लगाउने र आफै गुनासोसमेत सुन्ने सरकारी रवैया लाजमर्दौ देखिएको नेपाली कांग्रेस दोलखाका पूर्वसभापति ताराबहादुर कोइरालाले बताए। दोलखा जिल्लामा गाविसमार्फत ८० हजार ७ सय ११ घरधुरीले भूकम्पपीडित परिचयपत्र लिएर सरकारले दिएको १० हजार र १५ हजारसमेत प्राप्त गरिसकेका छन्। उक्त विवरण अविश्वसनीय रहेको भन्दो दाताले प्रश्न उठाएपछि भूकम्प प्रभावित सवै जिल्लामा सरकारले केन्द्रीय तथ्यांक विभागमार्फत तथ्यांक संकलन गर्न लगाएको थियो।

प्रतिकृया दिनुहोस्...

Share This News

PinIt
submit to reddit
Top