नेपालीकरण हयाम्लेट थीयटर भिलेजमा

0 16

944973_10208233483387430_6767475237877088064_n

काठमाडौ, वैशाख ३ । नेपालस्थित बेलायती दूतावास र थिएटर भिलेजले संयुक्त रूपमा निर्माण गरिएको हयाम्लेटको नेपाली अवतार थीएटर भिलेजमा मञ्चन भइरहेको छ ।  नेपाल र बेलायतबीच मैत्री सम्बन्ध कायम भएको दुई सय वर्ष पूरा भएको अवसरमा नाटक नेपाली भाषामा मञ्चन गरिएको हो ।

नाटकमा हयाम्लेटबाहेकका पात्रहरू सबै नेपालीकरण गरिएको छ । नाटकलाई सृष्टि भट्टराईले नेपालीमा अनुवाद गरेकी हुन्। क्लाउडियसलाई राजा कमल विक्रमको रूपमा महारानी गेरट्रयुडलाई ज्ञानेश्वरीको रूपमा, ओफेलियालाई ओजश्वीको रूपमा । त्यस्तै हयाम्लेटको सहयोगी होरासियोलाई हिरासिंहको रूपमा त नोकर पोपोनियसलाई प्रतापजंगको रूपमा नाटकमा हेर्न सकिन्छ । नाटकभित्र सानो नाटकको रूपमा मञ्चन हुने दृश्यमा महाभारत र भुटानका राजाको सन्दर्भ देखाइएको छ । त्यस्तै नेपाली लोकगीत टुक्राहरूले पनि नाटकको प्रस्तुतीकरणलाई सुन्दर बनाएको छ । यी सबै सेक्सपियरको नाटक ‘हयाम्लेट’मा छैनन् ।

हयाम्लेटको रूपमा दिव्यदेव पन्त, पूर्व मिस नेपाल सृष्टि श्रेष्ठ हयाम्लेटकी प्रेमिका ओजश्वी बनेकी छन् ।  प्रेतात्मा, कलाकार र घाटेको भूमिकामा  राजकुमार पुडासैनी देखिएका छन् ।

राजा क्याउडियस कमलमणि नेपाल, महारानी  अरुणा कार्की, ओजश्वीको बुवाको रूपमा भोलाराज सापकोटा देखिएका  छन् । श्रवण राना, सरोज अर्याल, सन्दीप पोखरेल, दीपक सापकोटा लगायतको अभिनय रहेको नाटक  वैशाख २५ गतेसम्म नियमित मञ्चन हुनेछ ।