सपनामा बाबु महेन्द्रसँग कुराकानी भएपछि यसरी आत्तिए ज्ञानेन्द्र  

0 10

Gyanendra-400

काठमाडौं,चैत ८ । पूर्वराजा ज्ञानेन्द्र शाह नराम्रो सपना देखेको भन्दै ज्यातिषीहरुको परामर्शमा जुटेका छन् । उपलब्धी लिएर मात्रै स्वदेश फर्कने भन्दै उनी गत माघको दोस्रो साता थाइल्याण्ड गएका थिए । तर, नराम्रो सपना देखिएकोले उनी छिट्टै स्वदेश फर्किएको स्रोतले जनाएको आजको तरुण साप्ताहिकमा खबर छ । स्रोतका अनुसार यस अघि आफ्ना पिता महेन्द्रको श्राद्ध गर्न उनले ब्राम्हणलाई लगाउँथे । तर, यसपटक भने एकछाकी बसेर आफैंले बाबुको श्राद्ध गरे ।
स्रोतका सपनामा बाबु महेन्द्रसँग दोहोरो कुराकानी भएका कारण पूर्वराजा शाह आत्तिएका हुन् । यस्तो हुनुलाई ठूलो अनिष्टको संकेत मानिन्छ । धर्मशास्त्र अनुसार राजाले बाबुआमाको काजकिरिया र श्राद्ध गर्नुपर्दैन । त्यो काम राजाका भाइहरुले गर्दछन् । विरेन्द्रको वंश विनाश अघिसम्म ज्ञानेन्द्र र धिरेन्द्रले महेन्द्रको श्राद्ध गर्दै आएका थिए । तर, विरेन्द्र मारिएपछि ज्ञानेन्द्र राजा भए, अर्को भाइ धिरेन्द्र पनि मारिएपछि बाह्मणहरुले श्राद्ध गर्दै आएका थिए ।