अमेरिकाद्वारा उत्तर कोरियाको नियन्त्रणमा रहेका आफ्ना नागरिकको रिहाई माग

March 17 2016 02:34

एजेन्सी/ वासिंटन, चैत ४ । अमेरिकाले उत्तर कोरियाको नियन्त्रणमा रहेका आफ्ना एक नागरिकको रिहाई माग गरेको छ । उत्तर कोरियाले कथित रुपमा आफ्नो मुलुकविरुद्ध गतिविधि गरेको आरोपमा एक अमेरिकी छात्रलाई सश्रम १५ वर्ष जेल सजाय तोकेलगत्तै अमेरिकाले उनको रिहाई माग गरेको हो ।

२१ वर्षीय ओटो वामवियरलाई गत जनवरीमा प्योङयाङस्थित सुनान अन्तर्राष्ट्रिय विमानस्थलबाट पक्राउ गरिएको थियो । एक राजनीतिक प्रचारको स्लोगन चोर्ने प्रयास गरेको आरोपमा उनलाई पक्राउ गरिएको उत्तर कोरियाली अधिकारीहरुको भनाई छ ।

अमेरिकी राष्ट्रपति कार्यालय ‘ह्वाइट हाउस’ का प्रवक्ताले उत्तर कोरियामाथि आफ्नो राजनीतिक एजेण्डाका लागि अमेरिकी नागरिकलाई ढालको रुपमा प्रयोग गरेको आरोप लगाएका छन् । प्रवक्त जश अर्नेस्टले भने, ‘हामीले उत्तर कोरिया सरकारसँग ओटोको रिहाईका लागि माग गरेका छौं ।’

उत्तर कोरियाली संचारमाध्यमका अनुसार उनलाई उत्तर कोरियाविरुद्ध अपराध गरेकोमा दोषी पाइएको छ । ओटो भर्जिनिया विश्वविद्यालयका छात्र हुन् । २ जनवरीमा उनी अमेरिका फर्कने क्रममा प्योङयाङको विमानस्थलमा पुग्दा उत्तर कोरियाली सुरक्षाकर्मीले उनलाई पक्राउ गरेका थिए । उनीमाथि तत्काल शत्रुतापूर्ण व्यवहारको आरोप लगाइएको थियो ।

पछि उनले उत्तर कोरियाको सरकारी टेलिभिजनमा अपराध स्वीकार गरेको दृष्य देखाइएको थियो । उनले भनेका थिए, ‘मलाई एउटा चर्चको समूहले आफ्नो यात्राका क्रममा भेटिने अविस्मरणीय चीज ल्याउन भनेको थियो ।’ गत फेब्रुअरीमा पत्रकार सम्मेलनमा रुँदै उनले भनेका थि

 

प्रतिकृया दिनुहोस्...

Share This News

PinIt
submit to reddit
Top