रियल मड्रिड एथ्लेटिकोसँग पराजित,उपाधि जित्ने सम्भावना सकियो

0 9

एजेन्सी, फागुन १६ । स्पेनिस ला लिगा अन्तर्गत मड्रिड डर्बीमा रियल मड्रिड पराजित भएको छ । स्पेनिस ला लिगा फुटबलमा अन्तर्गत शनिबार राति रियलको घरेलु मैदान बर्नव्यउमा भएको खेलमा एथ्लेटिको मड्रिड १–० ले विजयी भयो । यो हारसँगै रियल मड्रिड उपाधि होडबाट लगभग बाहिरिएको छ ।

रियलको घरेलु मैदानमा रियलमाथि एथ्लेटिको मड्रिडको यो लगातार तेस्रो जित हो । पहिलो हाफमा गोलरहति बराबरीमा रोकिएको रियललाई एथ्लेटिको मड्रिड लागि ५३ औं मिनेटमा एन्टोनी ग्रिजम्यानले विजयी गोल गरेका थिए । ग्रिजम्यानले गरेको गोल नै निर्णायक बन्यो ।

जित निकालेको एथ्लेटिको मड्रिड शीर्ष स्थानको बार्सिलोना भन्दा पाँच तथा रियल मड्रिड ९ अंकले पछि छ । बार्सिलोनाको २५ खेलबाट ६३ अंक छ भने २६ खेलबाट ५८ अंकसहित एथ्लेटिको मड्रिड दोस्रो तथा ५४ अंक जोडेको रियल मड्रिड तेस्रो स्थानमा छ । यदि उसले सेभिल्लासँगको खेल जित्ने हो भने रियल मड्रिड १२ अंकले पछि पर्नेछ र लिगमा दुबैले १२९१२ खेल मात्र खेल्न बाँकी रहनेछ । जिनेदान जिदानले क्लबको प्रशिक्षक पद सम्हाल्दा रियल मड्रिड बार्सिलोना भन्दा मात्र २ अंकले पछाडि थियो ।

जिनेदिन जिदान प्रशिक्षकमा आएपछि ८ खेलमा अपराजित रहे पनि मड्रिड डर्बीमा पराजित भए । उनी राफेल बेनिटेजलाई प्रतिस्थापन गरेर रियलको प्रशिक्षक बन्दा रियल बार्सिलोना भन्दा दुई अंकले मात्रै पछि थियो । हारपछि रियलका समर्थकले क्लबका अध्यक्ष फोल्रेन्टिनो पेरेजको राजिनामा माग गरेका थिए ।