मलेसियाका नेपालीलाई घर फर्काउन कसैको प्रस्ताव परेन

0 15
मलेसिया : मलेसियामा रहेका अवैद्यानिक नेपालीलाई घर पठाउन नेपाली दुतावास मलेसियाले खोलेको बोलपत्र आव्हान गरे पनि मंगलबारसम्म कुनै पनि संस्था वा फर्मले प्रस्ताव दर्ता गराएका छैनन्।
दुतावासले मंगलबारसम्म समय सिमा तोकेर हाल नेपाल पठाइ रहेको कोपरासी बार्हाड भन्दा सस्तो दरमा अवैधानिक नेपाली लाई घर फर्काउन सक्ने संस्थाले दर्खास्त हाल्न आवहान गरेर १५ दिने सूचना जारी गरेको थियो ।
नेपाली दुताबासका अनुसार मलेसियाको अध्यागमनसँग हाल चली आएको १२८० रिङेट भन्दा कम दरमा नेपाल पठाउन सबै सरोकारवाला संग आव्हान गरेको थियो ।
मलेसिया दुताबासले घर जान लाग्ने यात्रा अनुमतिपत्र एक द्वार नीति अन्तर्गत वितरण गरेको र एउटा संस्थालाई मात्र नेपाल पठाउने काम दिएको भन्दै अधिबक्ता नबराज थपलियाले सर्वोच्च अदालतमा रिट दायर गरेका थिए।
रिट जारी भएको केही समय पछि नै दुताबासले बोलपत्र द्वारा नेपाली घर पठाउन सक्ने फर्म वा संस्था को खोजी गरेको थियो।
नेपाली दुताबास मलेसियाले केही दिन अघि बाट यात्रा अनुमती पत्र कोपरासीमा बुझाएको भरपाइ नभए पनि नेपालीलाई दिने बताएको छ ।मलेसियामा अझै १ हजार भन्दा बढी नेपाली अबैधानिक रुपमा काम गर्दै आएको दुतबास श्रोत ले बताएको हो ।
मलेसिया सरकारले अवैधानिक बिदेशी कामदार लाई घर फर्किन जरिमाना तिरेर अवसर दिएको छ। गत वर्षबाट मलेसिया सरकारले अवैधानिक रुपमा काम गर्दै आएका विदेशी कामदारलाई घर फर्क अभियान सुरु गरेको हो ।