रणदिपको दीदि भन्दै ऐश्वर्या

0 10

पाकिस्तानी जेलमा मृत्यु भएका भारतीय कैदी सरबजितको बायोपिकमाथि फिल्म बन्दैछ । यो फिल्ममा अभिनेत्री ऐश्वर्या राय बच्चन सरबजितको बहिनीको रुपमा देखिदैछिन् । उनको फिल्ममा दलबिर कौर सिंह नाम हुन्छ । ऐश्वर्याले यो फिल्ममा संझौता गरेपछि मुख्य भूमिकामा देखिने  पात्रको बारेमा खुबै चर्चा भएको थियो ।

 

फिल्मका निर्देशक उमंग कुमारले फिल्मको लिड क्यारेक्टरको खुलासा गरिदिएका छन् । फिल्ममा रणदिप हुड्डा सरबजितको भूमिकामा देखिन लागेका हुन् । मेरी कोम फिल्मका निर्देशकले भने, ऐश्वर्या राय र रणदिप आउने बायोपिकमा भाइ बहिनी बन्न गइरहेका छन् ।

 

छोरीलाई जन्म दिएर केही बर्ष बलिउडको पर्दाबाट टाढा रहेकी ऐश्वर्या अब धमाधम काम गरिरहेकी छिन् । उनले ‘जज्बा’ फिल्मबाट कमब्याक गरेकी हुन् । उनले करण जौहरको निर्देशनमा बन्ने फिल्मम‘ए दिल हे मुश्किल’मा पनि रनवीर कपुर र अनुस्का शर्मासँग काम गर्ने संझौता गरिसकेकी छिन् ।