भारतमा आक्रमण गर्ने योजना बनाउँदै आइएस

0 3

एजेन्सी : इराक र सिरियामा सक्रिय आतंकवादी संगठन आइएसले भारतमा आक्रमण गर्ने योजना बनाएको सूचना त्यहाँको इन्टेलिजेन्स ब्युरोले दिएको छ ।

भारतीय जासुसी एजेन्सी इन्टेलिजेन्स ब्युरो (आइबी) आइएसले भारतमा आक्रमण गर्ने योजना बनाइरहेको जनाउँदै देशका सुरक्षानिकायलार्इ सजग रहन भनेको छ ।

आक्रमण गर्नैका लागि ३५ जना आइएसका सदस्य भारतमै सक्रिय रहेको विववरण पनि आइबीले बाहिर ल्याएको छ ।

आइबीका अनुसार आक्रमणको तयारीमा रहेका ३५ जना आतंककारीको पहिचान भइसकेको छ । उनीहरु मुम्बई, चेन्नई, कोलकाता, बैंगलोर र हैदराबाद जस्ता मूख्य ठूला सहरमा लुकेर बसिरहेका छन् ।

आइबीले आइएसप्रति सहानुभूति राख्नेहरुको सूची पनि भारतीय गृह मन्त्रालयलार्इ बुझाएको छ । यो सूचीमा रहेका मानिसको गतिविधिमाथि सुरक्षा निकायले निगरानी राख्ने भएका छन् ।

जासुसी एजेन्सीको रिपोर्टमा भनिएअनुसार आइएसले भारतका ठूला सहरका लागि आतंककारीको भर्तीको योजना पनि बनाइरहेको छ ।

आइबीको हालैको रिपोर्टमा भनिएअनुसार महाराष्ट्रका चार युवाका साथै भारतबाट अन्य सात जना युवा आइएसमा समाहित हुन इराक र सिरिया गइसकेका छन् । यिनमा पाँचजनाले त भिडन्तका क्रममा ज्यान गुमाइसकेका छन् ।

एक जुनमा जारी गरिएको यो एलर्टमा भनिए अनुसार आइएसले भारतमा टर्कसि नागरिक या उनीहरुसँग सम्बन्धित मिसनमाथि धावा बोल्ने सम्भावना छ । हमलाको चेतावनी दिएपछि भारत र पश्चिमा देशका एजेन्सीले पनि आइएससँग जोडिएका मानिसप्रति निगरानी बढाएका छन् । 

You might also like More from author