डडेल्धुरा दुर्घटनामा नौजनाले ज्यान गुमाए (अपडेट)

0 3
३० भन्दा बढी घाइते अस्पतालमा 
धनगढी : डडेल्धुराको मेलखर्कमा भएको बस दुर्घटनामा मृतकको संख्या ९ पुगेको छ।३० भन्दा बढी घाइते अस्पतालमा उपचार गराइरहेका छन्।
कञ्चनपुरको महेन्द्रनगरबाट सोमबार विहान ११ बजे दार्चुलाका लागि छुटेको ना ५ ख १६८५ नम्बरको यात्रुबाहक बस सोमबार साँझ डडेल्धुरामा पर्ने भीमदत्त पन्त राजमार्गको मेलखर्क भन्ने स्थानमा दुर्घटना भएको थियो ।
दुर्घटनामा ३३ जना घाईते भएका छन । दुर्घटनामा ७ जनाको घटनास्थलमै र २ जनाको उपचारका क्रममा पद्मा अस्पताल अत्तरियामा ज्यान गएको सुदूरपश्चिम क्षेत्रीय प्रहरी र्काालयले जनाएको छ।
घाइतेहरुको अवस्था बुझ्न अस्पतालमा भेला भएका आफन्तहरु
प्रहरीले डडेलुधराको गांखेत गाविस ८ का डम्बर कामी, परसुराम नगरपालिका १२ की रेखा धामी, बैतडी श्रीकोट गाविसका महादेव भट्ट, सोही ठाउँका निरज जोशी र दार्चुलाको अपी नगरपालिका ६ की परुलीदेबी धामीको मृत्यु भएको जनाएको छ ।यस्तै उपचारका क्रममा डडेल्ुधराको अमरगढी नगरपालिका घर भई जिल्ला प्रसासन कार्यालय डडेल्धुरामा कार्यरत जगन्नाथ दमौली र अमरगढी नगरपालिका ३ डडेल्धुराकी सरस्वती पल्लेको उपचारका क्रममा पद्मा अस्पतालमा ज्यान गएको प्रहरीले जनाएको छ ।
प्रहरीले गम्भीर घाइते, बैतडी खोडपेका यूबराज पन्त, डोटी सुजिलेकका सुजन पल्ली, डोटी बाझककनी गाविसका मोहन खडका, बैतडी खोचलेकका लक्ष्मण बिष्ट, थर र ठेगाना नखुलेका राम बहादुर, महेन्द्रनगरका धौलेराम सार्की, प्रकाश भटट र हरिष भटटलाई थप उपचारका लागि भारत लगिएको जनाएको छ ।
दार्चुला पिपलचौरीका महेश भटट, सोही स्थानकी मन्जु भटट, डडेल्धुरा जोगबुडाकी देबा ठगुन्ना, कंचनपुर महेन्द्रनगरका केशब कार्की, दार्चुला सुनसेराका सागर धामी, सोही स्थानकी बिनिता धामी, डडेल्धुरा देबल दिब्यपुरका नन्दराम नेपाली, डडेल्धुरा असिग्रामकी रत्ना खडका, सानु खडका, दिपेश खडका, दार्चुला छतिबनका मदन सिंह धामी, सिन्धु धामी, उनकी २ महिनाकी छोरी तारा धामी, बैतडी सिदेश्बरका दिब्यदेब कलौनी, डडेलधुरा  आलितालका गोबिन्दसिह धामी र बैतडी श्रीकेदारका प्रेमराज जोशीको पदमा अस्पताल अत्तरियामा उपचार भइरहेको छ ।
यस्तै दार्चुलाका मनोज भटट, सुनसेरा दार्चुलाकी सिर्जना धामी, बैतडी खोचलेकका सुरज भटट, ठेगाना नखुलेका नबलसिह मल्ल, बैतडी खोचलेकका दिनेश कार्की, सोही स्थानकी संगिता जोशी, बैतडी न्वाली गाविसका रतन सिंह कार्की, डडेल्धुराका सुरेश भण्डारी, दार्चुला छापरीका हरिषराम बिक र दाचुला खलंगाका मोहन सिंह महराको सामुदायीक अस्पताल अत्तरियामा उपचार भइरहेको प्रहरीले जनाएको छ ।