कालोबजारी गर्ने १४ जना थुनामा

0 3

२८ वैशाख, काठमाडौं । भूकम्पपछि काठमाडौंमा कालोबजारी गर्ने १४ जनालाई पक्राउ गरी प्रहरीले थुनामा राखेको छ । औषधि, पानी, मास्क तथा बसटिकटमा कालोबजारी गर्नेलाई प्रहरीले पक्राउ गरी कारबाही अघि बढाएको हो ।

महानगरीय प्रहरी परिसर काठमाडौंका प्रवक्ता एसपी विश्वराज पोख्रेलका अनुसार महँगोमा औषधि बेच्ने ओम शिव फार्मेसीका सञ्चालक सुमन महर्जन, मकवानपुरका सुमन अधिकारी र भेरी राप्ती फार्मेसीका सरिता जिसीलाई कारोबजारी ऐनअनुसार कारबाही अघि बढाइएको नयाँ पत्रिकामा खबर छ ।

त्यस्तै, महँगोमा पानी बेच्ने गुल्मीकी रमा खत्री, महँगोमा मास्क बेच्ने नवलपरासीका सन्तोष बास्तोला, महोत्तरीका बब्लु गुप्ता, ठमेलका हरिराम मालाकार पनि हनुमानढोका हिरासतमा छन् । बसको टिकट महँगोमा बेच्ने झापाका पूर्णप्रसाद शिवाकोटी, मोरङका गोविन्द लुइँटेल, सिन्धुलीका सन्दीप भण्डारी र प्रकाश तामाङलाई प्रहरीले सार्वजनिक अपराध मुद्दामा कारबाही अघि बढाएको छ ।

-Source : Online Khabar