समवेदना र राहत बोकेर भुटानी प्रधानमन्त्री काठमाडौंमा

0 6

१४, वैशाख काठमाडौं । नेपालमा भएको महाविपत्तिलाई आफ्नै विपत्ति सम्झेर उत्तर पूर्वी हिमाली छिमेकी राज्य भुटानका प्रधानमन्त्री छिरिङ तोग्बे काठमाडौं आएका छन् ।

भुटानी राजाको तर्फबाट नेपालले व्यहोरेको क्षतिप्रति दुःख र समवेदना प्रकट गर्न प्रधानमन्त्री आफैं विशेष विमानबाट काठमाडौं आएका हुन् ।

उनले नेपालका आफ्ना समकक्षी सुशील कोइरालालाई अंकमाल गर्दै दुःखको यो घडीमा भुटान नेपाली जनताको साथमा रहेको बताएका छन् । भुटानले नेपाललाई यो विपत्तिमा सघाउन थप १० करोड रुपैयाँ राहत सहयोग घोषणा गरेको छ ।

भुटानका प्रधानमन्त्री छिरिङ तोग्बेले भर्खरै ट्वीटमार्फत सो घोषणा गरेका हुन् । तोग्बेले भूकम्पबाट बिनाश भएको बसन्तपुर दरवार स्क्वायर लगायत विश्व सम्पदा सूचीका ध्वस्त संरचनाहरुको अवलकोन समेत गरेका थिए ।

यसैबीच नेपालमा भएको मानवीय क्षति र राष्ट्रिय विपत्तिमा शोक मनाउदै भुटानले सोमवार आफ्नो राष्ट्रिय झण्डा आधा झुकाउने निर्णय समेत गरेको छ ।

Shushil-Koirala-and-Chhiring-Togbe